Սկզբում եկեք ստուգենք ձեր գիտելիքները, որպես փորձագետներ։

Առաջարկում եմ միասին մի գովազդային տեսանյութ նայենք ու հետո մի քանի հարց քննարկենք։

1․ Ի՞նչ զգացողություններ ունեք տեսանյութը դիտելուց հետո։ Տեսանյութը մղու՞մ է ձեզ ինչ-որ որոշումներ։

2․ Ի՞նչ եք կարծում՝ տեսանյութում պատկերվածն ու նկարագրվածը ճի՞շտ են։ Արդյո՞ք սա համապատասխանում է իրականությանը։

Տրամադրվող Ռեսուրսներ

Տեսանյութի տեքստի թարգմանություն

Բե՛ր։ Պատռված զուգագուլպան, հետքով շապիկը, գունազրկված տաբատը, միայնակ գուլպան, խամրած զգեստը, այն, ինչը երբեք չես հագել։ Սա, սա և դա։ Այն գույնի հագուստը, որը քո գույնը չէր։ Բե՛ր։ Փչացրած սավանը, հին, մոռացված ջինսը, որը այլևս չես կարող կրել ու լաթը։ Բեր և մենք կզբաղվենք դրանցով: Մեր ընդհանուր մեղքի զգացումը, բե՛ր, արի՛ բեռնենք, գցենք, շպրտենք, սորտավորենք, ճզմենք, դարսենք և ուղարկենք մեկին, որը կկրի այն։ Առանձնացնենք մետաղը, ճղենք, մանրացնենք փոքր կտորների։ Արի՛ մանրացնենք մանրաթելերի ու կարենք նորը։ Արի՛ վերածենք չօգտագործվող հագուստը կտորների կամ լցնենք ավտոմեքենայի նստատեղերի մեջ։ Արի՛ կտրենք քո ջինսը և կարենք նորը։ Արի՛ հավաքենք մնացած իրերի անգամ ամենավերջին փոշեհատիկը ու վերածենք ստվարաթղթի։ Ուղղակի բեր։ Անպետքը, չհարմարվողը, ավելորդը: Մենք հոգ կտանենք, որ այն ստանա արժանի վերաբերմունք։ Միակ բանը, որը մենք չենք անի, այն վատնելն է։

Դուք սովորել եք արտերկրում և վերադարձեկ Հայաստան՝ նորաձևության ալյանս (միավորում) ստեղծելու համար։ Նպատակն է ունենալ մարդկանց/հաստատությունների ցանց, որի միջոցով կարող եք կայուն դարձնել Հայաստանի նորաձևության ոլորտը: Դուք ունեք պոտենցիալ գործընկերների ցանկ՝ տեքստիլ արտադրողներից մինչև բնապահպանական հասարակական կազմակերպություններ: Ձեր նպատակն է դրդել նրանց միանալ ձեզ, քանի որ նրանցից ոմանք իրականում մոտիվացված չեն միանալու:

Մարզիչը տրամադրում է հաստատությունների/տեսակների ցանկը (ստորև):

Քայլեր ուսանողների համար.

• 3 րոպում դուրս բերե'ք յուրաքանչյուր շահագրգիռ կողմի հիմնական ցավոտ կետերն ու հետաքրքրությունները բացահայտելու համար
• 5 րոպեում մշակեք հատուկ ռազմավարություններ՝ շահագրգիռ կողմերից յուրաքանչյուրին մոտիվացնելու համար

Այս գործընթացի ընթացքում մարզիչն ուղղորդում է և ունի ժամաչափ (թայմեր):

ZAZA արագ նորաձևության բրենդը մուտք է գործում Հայաստան մեծ խոստումներով`

• 20 միլիոն դոլարի ներդրում
• 1000 աշխատատեղ
• Նոր գործարան ժամանակակից սարքավորումներով
• Ավելի բարձր աշխատավարձեր, քան ներկայիս շուկայում
• Արտահանման հնարավորություններ

Լրատվամիջոցները տոնում են։ Պետական պաշտոնյաները հրապարակայնորեն աջակցում են։ Սակայն ձեր դաշինքի անդամները լուրջ մտահոգություններ են հայտնում`

• Արտադրողները անհանգստացած են աշխատողներին կորցնելու հեռանկարով
• Տեղական բիզնեսները վախենում են շուկայից դուրս մղվելուց
• ՀԿ-ները ահազանգում են հնարավոր բնապահպանական ազդեցության մասին
• Բոլորը կասկածի տակ են դնում կայուն նորաձևության մրցունակությունը

Դուք դաշինքի ղեկավարն եք։ Ինչպե՞ս կարձագանքեք։

Մաս 1. «Հասկանալով ձեր ուժեղ կողմերը»
Անհատապես վերցրեք 2 րոպե՝ գրի առնելու համար, թե ինչն է ձեր ալյանսը յուրահատուկ կերպով արժեքավոր դարձնում: Որո՞նք են ձեր ուժեղ կողմերը։ Մտածեք.

• Ի՞նչ փորձագիտություն ունեք։
• Ի՞նչը կարող եք ավելի լավ անել, քան ուրիշները։
• Ի՞նչ յուրահատուկ գիտելիքներ եք տիրապետում։

Եղեք կոնկրետ և խորը մտածեք: Սրանք պարզապես ընդհանուր հմտություններ չեն - դրանք ձեր յուրահատուկ առավելություններն են:

Մարզիչը դնում է թայմեր։

Մաս 2. «Ձեր արժեքի դրամայնացում»
Այժմ վերցրեք 5 րոպե՝ ուրվագծելու համար, թե ինչպես այս ուժեղ կողմերը վերածել եկամտի հոսքերի: Մտածեք`

• Ու՞մ է պետք այս փորձագիտությունը։
• Ի՞նչ խնդիրներ կարող եք լուծել։
• Ո՞վ կվճարի այս լուծումների համար։
• Ինչպե՞ս կարող եք փաթեթավորել ձեր գիտելիքները։

Մարզիչը դնում է թայմեր։