2010 թվականին Հայկը փնտրտուքների մեջ էր՝ ինչպե՞ս ընտրել ճիշտ մասնագիտություն, ինչպե՞ս հասկանալ ինչն է քեզ հետաքրքրում, և ի՞նչն է ոգեշնչում։ Այս մտքերի թոհուբոհում նա սկսեց ինքն իրեն մարտահրավերներ նետել և փորձարկումներ անել, որոնցից մեկը նորաստեղծ GeekBrains-ին միանալն էր։

Երբ Հայկը միացավ GeekBrains-ին, նա սկսեց օգնել տարբեր նախագծերում։ GeekBrains-ը դեռ փոքր ընկերություն էր՝ փոքր թիմով։ Հայկը շատ ոգևորված ու կենտրոնացած էր։ Նա մեկ ամսվա ընթացքում այնքան լավ աշխատեց, որ իր նախագծերը ընկերության համար ամենաշատ գումարն աշխատեցին։ Այդ ամսվա մեջ դա նույնիսկ ավելի շատ էր, քանի հենց հիմնադիրներն էին աշխատել։

Հիմնադիրները նրան զանգահարեցին, անկեղծ և հումորով պատմեցին իրավիճակի մասին և վճարեցին համապատասխան գումար։ Նրանք չթաքցրեցին այդ փաստը կամ չփորձեցին Հայկին իր գումար չվճարելու ձևեր գտնել: Եվ սա անկեղծության կարևոր ցուցանիշ էր, որը Հայկի մոտ վստահություն առաջացրեց և մոտիվացրեց, որ ավելի լավ աշխատի։

Բացի անկեղծությունը, Հայկին գրավեց նաև վստահությունն իր նկատմամբ։ Թիմին միանալուց քիչ անց, համահիմնադիրները շատ արագ վստահել են նրան և տվել են նրան բոլոր կարևոր գաղտնաբառերն ու տվյալները: Սա մղեց Հայկին դեպի արագ աճ, քանի որ նա զգաց իր հանդեպ ունեցած վստահությունն ու հարգանքն իր հմտությունների նկատմամաբ։

Ժամանակի ընթացքում Հայկը այնքան ներգրավվեց, որ մի օր նա որոշեց գնել ընկերության բաժնետոմսերը համահիմնադիրներից մեկից և ինքը դարձավ համահիմնադիր։ Այսպես սկսվեց նրա հետաքրքիր ու բացահայտումներով լի ուղին, որպես հաջողակ գործարար։

Հայկը արագ հասկացավ, որ իր համահիմնադիրը իր հակառակ պատկերն է․ Հայկը կառուցվածքային մտածող է, իսկ իր համահիմնադիրը՝ ստեղծագործական և քաոտիկ: Սա սկզբում շատ անհարմար էր ու բարդ։ Բայց ժամանակի ընթացքում Հայկը սկսեց հասկանալ, որ իր թիմակիցը լրացնում է այն դերը, որը Հայկը չի կարող։ Այս մտածելակերպի բազմազանությունը հասկանալը օգնեց Հայկին ենթագիտակցորեն գնահատել իր համահիմնադիրին և նույնիսկ անտեսել տարբերությունները։ Լինելով հակադիր կողմեր նրանք սկսեցին հավասարակշռել և վստահել միմյանց՝ նպաստելով աշխատանքի լավ որակին։

Ժամանակն էր արդեն որպես առաջորդ աշխատել թիմի հետ, որը դեռևս փոքր ու անհայտ GeekBrains-ը պետք է դարձներ մեծ ու հաջողակ ընկերություն։ Եվ Հայկը նկատեց, որ մարդկանց հետ աշխատանքը ունի շատ մարտահրավերներով․ մարդիկ կարող են ստել իրենց գիտելիքների ու արդյունքների մասին, նրանք կարող են ի վիճակի չլինել լուծել առաջացող խնդիրները, որը ընկերությունը կտանի դեպի ձախողում, և այլ բազում խնդիրներ։

Սա օգնեց նրան դուրս բերել երկու սկզբունք, որին նա հետևում է թիմի անդամների հավաքելիս՝

• Անկեղծություն, և
• Մտածելակերպի ճկունություն։

Եվ այս սկզբունքների օգնությամբ Հայկը սկսեց հավաքել իր թիմը։
Սակայն միանալուց հետո նույնպես մարտահրավերներ են լինում։ Իր փորձից ելնելով, Հայը կարծում է, որ լավ թիմակցից արդյունքներն անմիջապես տեսանելի են։ Չէ՞ որ ինքը թիմին միանալուց անմիջապես հետո սկսել է ներդնել իր ամբողջ ներուժը։ Եվ նա այս սկզբունքը սկսել է կիրառել իր իսկ թիմի հետ։

Հայկը իր թիմերը կառավարում է ազատությամբ և հարգանքով։ Այսինքն, երբ աշխատանքի է վերցնում ինչ-որ մեկին և նա 2-3 շաբաթ անց արդյունքներ ցույց չի տալիս, ուրեմն համագործակցություն չի ստացվում։ Ավելի լավ է արագ ձախողել և անմիջապես հասկանալ՝ ճիշտ ուղու վրա եք, թե ոչ։ Պետք է թույլ տալ այդ անձին ավելի արագ հեռանալ։ Սա նույնպես արդար և անկեղծ քայլ է ձեր կողմից, քանի որ չեք վատնի նաև նրա ժամանակն ու էներգիան։ Իսկ եթե թիմի անդամը մնում է թիմում, ապա նրան պետք է կառավարել ճիշտ մեթոդներով։ Եվ Հայկը սրա համար ունի երկու հիմնական մեթոդ՝ «կառավարում աշխարհի պատկերի միջոցով» և «կառավարում հարգանքի միջոցով»:

Մի անգամ ընկերության կարևոր աշխատակիցներից մեկը մոտենում է Հայկին և խնդրում, որպեսզի 5 նոր մարդ միանա իր թիմին։ Հայկը գիտեր, որ ընկորությունը չունի բավական գումար, որպեսզի կարողանա վարձել այդ մարդկանց։ Բայց եթե նա ուղղակի ասեր «ոչ», թիմակիցը կմտածեր, որ Հայկը ինքն իրեն բարձր է դասում և չի ուզում, որ աշխատակիցը զարգանա։ Բայց Հայկը չի ասում ոչ։ Նա անկեղծ բացատրում է, թե ինչպես է աշխարհի պատկերը իր կողմից և ինչպես է ինքը տեսնում իրավիճակը։ Չէ՞ որ թիմի անդամը չի իմանա ձեր դժվարությունների մասին, եթե նրան չպատմեք։ Իսկ եթե բացատրեք, կհասկանա և կմտածի այլ լուծումներ: Եթե բացատրեք, որ այս պահին ունեք միայն իր համար նախատեսված աշխատավարձի գումարը և փնտրում եք նոր միջոցներ գումար ձեռք բերելու, նա կհասկանա։ Հենց սա կիրառելով Հայկը բացատրեց իր աշխարհի պատկերը, տարավ բոլոր զուգահեռները, և թիմակիցը անմիջապես կհասկացավ, թե ինչ և երբ պետք է անի, որովհետև նրա համար պարզ էին հետևանքները։ Կարիք չկար նրան ավելի մոտիվացնել և մղել:

Միևնույն ժամանակ, այսպես Հայկը հարգալից է թիմակցի տեսնակյունի նկատմամբ, քանի որ նրան և իր զարգացումը ավելի ցածր չի դասում։ Նա հարգանք է ցուցաբերում նաև կիսելով իր վստահությունը թիմի անդամների հետ։ Ցանկացած անձ ունի սահմանափակ մտավոր ռեսուրս, և եթե նա անիմաստ էներգիա ու ժամանակ է ծախսում անհանգստանալու վրա, թե ինչ է մտածում իր մասին թիմի ղեկավարը, դա վնասում է բոլորին։ Այդ իսկ պատճառով Հայկը անմիջապես իր թիմակիցներին ասում է, որ նրանք կարևոր գործեր են անում և նրանց նկատմամաբ կա վստահություն։ Այսպես Հայկը կառավարում է անհանգստությունը։ Չէ՞ որ իրեն նույնպես վստահել են, այդ իսկ պատճառով նա աճել է։

Այս ամենը ձևավորեց ամուր թիմ, որը կարողացավ լավ գաղափարից ստեղծել հաջողակ բիզնես։ GeekBrains-ը աճեց և բազում մեծ ընկերություններ պատրաստ էին մեծ գումարներ վճարել այն գնելու համար։

Սակայ Հայկի ուղին չի ավարտվել։ Geekbrains-ի վաճառքից հետո, նա տեղափոխվեց Հայաստան։ Այսօր նա Երևանում է և զբաղվում է իր երկու նոր ընկերությունների՝ IMAST-ի և AI9 Startup Campus-ի, աճով։