Դպրոցականների համար խնդիրներից մեկը այն է, որ քնելը չի համարվում լավ, հավես կամ ցանկալի (cool): Ընդհակառակը՝ գիշերը չքնելը դաս անելու կամ որևէ այլ պատճառով համարվում է մոտիվացիայի նշան։ Իսկ հակառակը՝ առողջ քունը, երբեմն դիտվում է որպես անտարբերություն, և ոչ աշխատասեր մարդու նշան:

Բայց դա ճիշտ չէ, և հիմա պետք է փորձենք քունը ցանկալի դարձնել:

Շատ դժվար է գաղափարը դարձնել ցանկալի։ Դա սովորաբար արվում է գաղափարի ներկայացուցիչների միջոցով։ Դրա պարզ օրինակ է 5AM Club-ը, որը մարդկանց խումբ է, ովքեր արթնանում են առավոտյան 5-ին։

5AM Club-ը շա՜տ արագ տարածում է գտել սոց-ցանցերում և ընդհանրապես: Բայց ի՞նչն է դա գրավիչ դարձնում։ Առաջին զգացողությունը հաստատ դրական չէ ժամը 5-ին արթնանալու մասին լսելիս։

Շատ հաջողակ ձեռնարկատերեր սկսել են հետևել այս ժամը 5-ի կանոնին և սոցիալական մեդիայում կիսել դրա մասին #5amclub հեշթեգով։ Նրանց վաղ արթնանալը ուղղակի ձևով կապել են իրենց հաջողության հետ։ Դրանք շատ հաջողակ մարդիկ էին, որոնց ձեռքբերումները ոգեշնչում էր մյուսներին։ Ով որպեսզի լինեն նրանց նման հաջողակ՝ մարդիկ սկսել են նույնպես շուտ արթնանալ՝ տարածելով 5AM Club-ը:

Ակումբի անդամները նաև հետևում էին այլ կանոնների, և այդ կանոնների մասին պատմում էին առավոտյան շուտ, որպեսզի միայն շուտ արթնացողները լսեն դրանց մասին։

Այս գաղափարը հայտնի չէր դառնա, եթե այն ներակայցնող մարդիկ և իրենց կյանքը ցանկալի չլինեին։

Ունենալով այս օրինակը մտքում՝ դուք ցանկանում եք բացել ձեր ակումբը՝ լավ քուն ունեցող ուսանողների։ Ինչպես կկազմակերպեք ձեր ակումբը՝

• Ո՞վ պետք է լինի ակումբում
• Ինչպե՞ս նրանք պետք է պատմեն նրա մասին, որ ակումբում են
• Ինչպե՞ս նրանց կգրավեք, որ միանան ակումբին

Մարզիչը տալիս է հարցերը առանձին-առանձին՝ ֆիքսելով պատասխանները։

Հիմա եկե՛ք խորանանք դպրոցի միջավայր։ Անցյալ տարի դպրոցը հատուկ կիսամյակային ծրագիր է իրականացրել։ Կիսամյակի վերջում շատ ծնողներ բողոքել են, որ իրենց երեխաները լավ չեն քնում։ Նրանք պնդել են, որ կիսամյակի պլանը շատ ինտենսիվ է և ազդում է աշակերտների քնի վրա:

Հիմա պատկերացնելու ենք մի իրավիճակ, երբ դուք դպրոցի կրթական կոմիտեն եք և պետք է հասկանաք՝ որտե՞ղ են խնդիրները, ինչո՞ւ աշակերտները բավականաչափ չեն քնում և ինչպե՞ս կարելի է դա լուծել:

Մարզիչը ներկայացնում է չարաբաստիկ կիսամյակային պլանը, որը խանգարել է բոլորի քունը (կցված ներքևում)՝ կիսելով էկրանը, ապա նաև նկարները ուղարկելով չատ, որպեսզի ուսանողները կարողանան ավելի մանրամասն ուսումնասիրել պլանը։

Պլանի ուսումնասիրումից հետո ուսանողներին տրվում է 5 րոպե ժամանակ, որպեսզի քննարկեն տրված հարցերը։

Մարզիչը պահում է թայմերը՝ 5 րոպե տևողությամբ, և երբ մնացել է 30 վայրկյան տեղյակ է պահում ուսանողներին։

Խումբը կիսում է լուծումները, որից հետո մարզիչը կիսում է ուղղորդումների լուծումները, եթե դրանք դեռ չեն նշվել ուսանողների կողմից։

Հիմա դուք ուզում է լուծումներն ու փոփոխությունները քննարկել տնօրենի հետ, ով ինքն է կազմել նածկին պլանը։ Տնօրենը շատ խիստ անձ է, և դուք գիտեք, որ նա չի ցանկանալու փոխել իր ծրագրիրը, քանի որ արդեն ամեն ինչ իր ձեռքերով պլանավորել են։

Ինչպե՞ս սկսեք խոսակցությունը տնօրենի հետ։

Ուսանողները պատասխանում են և մարզիչը կիսում է ուղղորդումները։

Մենք հասկացանք, թե դպրոցի ներսում ինչ կարող է լինել։ Շատ պատճառներ կան՝ օրինակ, քննությունները, որ ազդում են ձեր քնի վրա։ Բայց կան նաև պատճառներ, որոնք դպրոցը չի կարող կառավարել, այլ միայն դուք։

Հիմա եկեք նայենք մի օրվա պլան, որը ձեր դասընկերներից մեկը կազմել է իր օրվա համար։

Մարիզչը կիսում է ներքևում կցված օրվա պլանը։

Այս օրվա պլանը նրան շատ է դուր գալիս, բայց նա արեն 2 շաբաթ է չի կարողանում դրան հետևել և արդյունքում շատ քիչ է քնում։ Նա կիսվել է ձեր հետ իր մտահոգությամբ, և դուք հիմա փորձում եք հասկանալ՝ ի՞նչը կարող է սխալ գնալ, որ օրվա վերջում ձեր ընկերը քնի 7-ի փոխարեն 4-5 ժամ։

Հիմա ձեզ կտամ ժամանակ, որպեսզի անեք փոքրիկ մտագրոհ և դուրս բերեք պատճառներ։

Ուսանողներին տրվում է 3 րոպե, մարզիչը պահում է ժամանակը, անջատում տեսախցիկն ու ձայնը, որպեսզի ուսանողները հանգիստ քննարկեն։ Եթե մարզիչը զգում է, որ ուսանողների քննարկումը առաջ չի գնում՝ նա կարող է միանալ ու տալ ուղղորդումներ (օրինակ՝ շատ տնային աշխատանք), ապա նորից հետ անջատվել։

Վերջում ուսանողները կիսում են իրենց դուրսբերումները, որոնք մարզիչը լրացնում է Միրոյում և պահում հաջորդ հանդիպման համար։

Այս ամենից հետո եթե կա կարիք՝ մարզիչը կիսում է ուղղորդումները։