Դեռևս 2011-ին Արտոն 24 տարեկան ոգևշնչված երիտասարդ էր, ով աշխատում էր իր մաթեմատիկայի ասպիրանտուրայի (դոկտորի աստիճանի) վրա, սովորում էր Հայաստանի Ամերիկայան Համալսարանի բիզնես ադմինիստրացիայի մագիստրատուրայում, և միևնույն ժամանակ ուներ իր առաջին հաջողված ընկերություններից՝ Web-Dorado-ն, որը զբաղվում էր վեբ կայքերի ձևավորմամբ: Այս ընկերությունը գումար էր վաստակում և Արտոյին եկամուտ բերում, որը նա կարող էր ներդնել իր մյուս ընկերություններում և փորձել այլ գաղափարներ։

Երբ Արտոն 29 տարեկան էր, որոշեց սկսել մի նոր ստարտափ։ Իր 25 լավագույն մասնագետներից բաղկացած թիմի հետ ստեղծել էր մի հավելված, որը սելֆիները կվերածեր զվարճալի սթիքերների սոցիալական մեդիայի և հաղորդագրությունների հավելվածների համար: Նրանք բոլորը հավատում էին, որ ինչ-որ հեղափոխական բանի վրա են աշխատում:

Մի ամբողջ տարի նրանք անդադար աշխատեցին՝ ընկերության մեջ ներդնելով Արտոյի սեփական խնայողություններից $450,000 (մոտ 180 միլլիոն դրամ)։ Այնուամենայնիվ, տեխնոլոգիական աշխարհը շատ մրցունակ է: Աշխարհում ավելի քան տասը միլիոն ընկերություններ փորձում էին նմանատիպ գաղափարներ իրագործել, և շատերը ձախողվում էին:

Արտոյի թիմը քրտնաջան աշխատում էր։ Բայց մի օր Արտոն հասկանաում է, որ շուտով այլևս չի կարողանալու աշխատավարձեր վճարել, քանի որ գումարը վերջանում է։ Կարող է նույնիսկ պետք լինի ընկերությունը փակվել։ Իրավիճակը պետք էր փրկել և դա պետք էր անել արագ։

Այս ամենին զուգահեռ Արտոն նոր գաղափարներ էր ձևավորում իր ընկերների հետ։ Մի օր Երևանում Արտոն հանդիպեց իր ընկերներից մեկին՝ Դավիթին։ Արտոն և Դավիթը հաճախ էին հանդիպում՝ գաղափարներ դուրս բերելու և մեծ խնդիրների լուծումներ գտնելու համար։ Դավիթը առցանց աշխատանք ուներ ԱՄՆ-ում, որը պահանջում էր հաճախակի զանգեր իր թիմի հետ: Այս հանդիպման ժամանակ Դավիթը մի խնդիր էր դուրս բերել. «Ամեն անգամ, երբ ես զանգի եմ միանում իմ թիմի հետ, երկու ծայրերում այնքան շատ ֆոնային աղմուկ է լինում,որ դժվար է կենտրոնանալ և լսել ամեն ինչ: Կցանկանայի կարողանալ պարզապես խլացնել այս ֆոնային աղմուկը մեր զանգերի ժամանակ»:

Արտոն կանգ առավ։ Կարո՞ղ է արդյոք լինել զանգերի ժամանակ իրական ժամանակում ֆոնային աղմուկը չեղարկելու միջոց: Ընկերոջ խնդրով ոգեշնչված՝ Արտոն հնարավորություն տեսավ լուծելու շատերին հուզող իրական հարցը։ Համախմբվելով իր համալսարանական ընկեր Ստեփանի հետ՝ նրանք սկսեցին աշխատել զանգերի աղմուկը չեղարկող տեխնոլոգիայի մշակման վրա: Նրանք բախվեցին բազմաթիվ մարտահրավերների։

Նման առաջադեմ տեխնոլոգիաների ստեղծումը հեշտ չէր, և նրանք սահմանափակ ռեսուրսներ ունեին, բայց չէին հանձնվում։ Արտոն հիշում էր, որ երբ Սիլիկոնյան Հովտում էր, այս գաղափարը կիսել էր նաև ներդրողների հետ, որոնց այն շատ էր դուր եկել։ Այս վստահությունը նույնպես ոգևորում էր և առաջ մղում։

Անհամար ժամերի աշխատանքից և ծրագիրը մշակելուց հետո նրանք հաջողեցին: Նրանք ստեղծել են Krisp հավելվածը, որն օգտագործում է արհեստական ​​բանականությունը, որպեսզի հեռացնի ֆոնային աղմուկը զանգերից՝ դարձնելով խոսակցությունները ավելի պարզ և արդյունավետ:

Ի վերջո, Krisp-ը դարձավ ֆենոմենալ հաջողություն։ Այն լայն տարածում գտավ ամբողջ աշխարհում՝ ծառայելով հազարավոր ընկերությունների և գովասանքի արժանանալով խոշոր ամսագրերից, ինչպիսիք են Forbes-ը և Time-ը: Աղմուկը հեռացնելու խնդիրը վերածվեց մի ընկերության, որը արդեն մի քանի տարուց՝ 2021 թվականին դարձավ 17.5 միլիոն դոլլար արժողությամբ ընկերություն։

Մի արևոտ կեսօր Արտոն նստած էր իր ընկերների՝ այլ հայ ձեռներեցների հետ: Նրանք քննարկում էին Հայաստանում նոր նորարարներին և ձեռներեցներին աջակցելու ուղիները:

Գիտակցելով ավելի մեծ ազդեցություն ունենալու ներուժը՝ նրանք որոշեցին ստեղծել BigStory VC-ն՝ վենչուրային կապիտալի հիմնադրամ, որի նպատակն է նոր և բացառիկ հայ ձեռնարկատերերին օգնել իրենց գաղափարները դարձնել գլոբալ ընկերություններ: Արտոն ցանկանում է օգնել Հայաստանում այն հաջողակ ձեռնարկատերերի ձևավորմանը՝ օգտագործելով իր փորձը մյուսներին բարձրացնելու համար:

Նա նաև DOCUS ընկերության հիմնադիր խորհրդատուն է, մի ստարտափի, որը օգտագործում է արհեստական ​​բանականությունը առողջապահության բարելավման վրա: Բացի այդ, որպես «Այբ» դպրոցի խորհրդի անդամ, նա նպաստում է Հայաստանում կրթության առաջընթացին։

Արտոյի առատաձեռնությունը ընդգծում են նրա համոզմունքը, որ իրական հաջողությունը ներառում է դրական ազդեցություն հասարակության վրա: Օգնելով ուրիշներին հասնել իրենց երազանքներին՝ նա ստեղծում է ժառանգություն, որը դուրս է գալիս իր իսկ ձեռքբերումներից: